Вольгу Маёраву пакаралі за збор подпісаў на вуліцы ў абарону жывёл

Суд Цэнтральнага раёна Мінска 28 верасня пакараў аўтарку ініцыятывы «Мы з табой у адным доме» Вольгу Маёраву штрафам у памеры 20 б.в. або 490 беларускіх рублёў. Пастанову вынесла суддзя Вікторыя Шабуня.

Вольга Маёрава (фота з facebook.com)

Вольгу Маёраву  абвінавацілі ў парушэнні часткі 3 арт. 23.34 КаАП (удзел у несанкцыянаваным масавым мерапрыемстве),  а насамрэч за збор подпісаў пад петыцыяй у абарону бадзяжных жывёлаў.

Як паведамляе "Радыё Свабода", у суд Вольга Маёрава прыйшла са сваім сабакам Баем, у якога няма адной лапы. Актывістка казала на працэсе, што на лёсе гэтага сабакі хоча даказаць суду, у якім бяспраўным становішчы знаходзяцца бадзяжныя сабакі ў Беларусі і што дзяржава не робіць усё належнае, каб забяспечыць правы жывёлаў.

Вольга Маёрава і сабака Бай. Фота: Радыё Свабода.


Ахова Цэнтральнага суду забараніла прайсці ў будынак з гадаванцам. Суддзя Вікторыя Шабуня, якая разглядала матэрыялы адміністрацыйнай справы, заявіла, што калі будзе патрэба, яна агледзіць сабаку.

Нагадаем, Маёраву затрымалі ў Мінску 4 верасня на перакрыжаванні вуліцы Нямігі і праспекта Пераможацаў і разам з падпіснымі лістамі даставілі ў РУУС Цэнтральнага раёна Мінска, дзе склалі пратаколы выняцця падпісных лістоў і пратакол апытання.

spring96.org


Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • Anatol Starkou
  • 2018-09-28 18:01:16
Ну что ж, пара Вясне перасылаць мне паперу на гэты жудасны рэжым, а я ў ААН аднясу ў тутэйшую Кантору па правах усіх і ўсякіх.

Цяжка ад думак, гэта калі без жартаў, што й сапраўды нам тая незалежнасць звалілася на карак і была непатрэбная. Мы не ў дзяржаве жывем, а ў нейкім беларускім лесе ці на нейкім беларускім дрэве. Лесе ці дрэве БЕЗЗАКОННЯ. Не ў сэнсе няма законаў, а ў сэнсе яны нам па боку. Хачу збіраю подпісы за тое ці гэтае, а хачу не збіраю подпісы. Пры гэтым да ўлады звяртацца, каб дала дазвол і думак не мае вольны незалежны беларускі грамадзянін РБ. Мая мазга гэта не памінайт.

Ну дык высылайце мне паперы ў Нью Ёрк на нашу жудасную ўладу і вечную Вясну, якая іх збірае тоннамі.
  • Апошняе на сайце
,

Больш цікавага на «Новым Часе»: