«Выбачайце, што хлусілі»: вядучыя сыходзяць з іранскага тэлебачання

Па меншай меры тры вядучыя дзяржаўнага тэлебачання Ірана паведамілі, што звальняюцца з працы ў знак пратэсту супраць спробы ўладаў схаваць праўду пра крушэнні ўкраінскага самалёта, збітага іранскімі СПА.
Фота Farnaz Fassihi Twitter

Фота Farnaz Fassihi Twitter

«Дзякуй гледачам за тое, што прымалі мяне. Сёння гэта скончылася. Я ніколі не вярнуся на тэлебачанне», — напісала ў сацыяльных сетках тэлевядучая Захра Хатамі. Вядучая Сааба Рад паведаміла, што пасля 21 года на тэлебачанні і радыё яна адчувае, што не можа працягваць працу.

«Не магу паверыць у забойства маіх суайчыннікаў. Выбачайце, што я ўвесь час ашуквала вас 13 гадоў. Некалькі гадоў таму я сышла з працы і ніколі на яе не вярнуся», — паведаміла іх былая калега Джэларэ Джабары.

У першыя дні пасля катастрофы, якая забрала 176 чалавечых жыццяў, улады Ірана сцвярджалі, што прычынай крушэння сталі тэхнічныя непаладкі. Але затым ім давялося прызнаць, што лайнер быў збіты СПА. Згодна з цяперашняй версіяй, гаворка ідзе пра трагічную памылку, адказнасць за якую ляжыць на ЗША.


Паводле newsru.co.il

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: