З 1990 года насельніцтва Беларусі скарацілася на 7 адсоткаў

З 1990 года дэмаграфічныя сітуацыі ў краінах Заходняй і Усходняй Еўропы развіваюцца ў процілеглых кірунках.
Да такой высновы прыйшлі даследчыкі з інстытута дэмаграфіі Аўстрыйскай акадэміі навук і Венскага цэнтра Вітгенштэйна. Так, калі на захадзе Еўропы назіраецца прырост насельніцтва, то на ўсходзе і поўдні Еўропы яно, наадварот, скарачаецца.

Асноўнымі прычынамі дэмаграфічных змяненняў, на думку даследчыкаў служаць два фактары: натуральная дынаміка насельніцтва, гэта значыць нараджальнасць і смяротнасць, а таксама міграцыя. У краінах Усходняй і Паўднёвай Еўропы з 1990 па 2017 года назіраецца нізкая нараджальнасць і адток насельніцтва, а ў краінах Заходняй Еўропы — усё наадварот. Пры гэтым лідэрам па агульным паказчыку прыросту насельніцтва стала Ірландыя (36 адсоткаў). Германія — на адным з апошніх месцаў у гэтым рэйтынгу (4 працэнты).

Лідэрамі па агульным паказчыку зніжэння колькасці насельніцтва сталі Латвія (-27%), Літва (-23%) і Боснія-Герцагавіна (-22%). У прыватнасці, апошнюю пакінулі каля 25% жыхароў, а, напрыклад, з Украіны з’ехалі 13% насельніцтва. Пры гэтым з-за перавагі смяротнасці над нараджальнасцю насельніцтва Украіны скарацілася больш чым на 10%, а Беларусі — на 7%. Гэтыя дзве краіны, акрамя таго, апынуліся ў ліку тых, дзе прыросту насельніцтва даследчыкі наогул не зафіксавалі.

Між тым у Расіі моцны прыток мігрантаў з краін былога СССР практычна цалкам кампенсаваў перавагу смяротнасці над нараджальнасцю, адзначаецца ў даследаванні. Так, насельніцтва РФ з 1990 па 2017 год за кошт міграцыі павялічылася прыкладна на 10% і на крыху большую долю скарацілася з-за высокай смяротнасці.

Паводле thinktanks.by

Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • ВР
  • 2018-06-26 12:02:27
У пачатку 2017 г. гучала думка аб тым, што дэмаграфічныя цяжкасці - адна з прычын, каб стварыць федэрацыю Беларусі, Літвы і Украіны "тыпу Злучаных Штатаў"... http://belisrael.info/?p=9261