За хуткасць пазбаўляць, бяспраўнікаў арыштоўваць: папраўкі ў КоАП прынялі ў другім чытанні

Бяспраўнікаў у Беларусі плануюць караць адміністрацыйным арыштам за паўторнае парушэнне. Пра гэта сёння паведаміў старшыня Пастаяннай камісіі Палаты прадстаўнікоў па правах чалавека, нацыянальных адносінах і СМІ Андрэй Навумовіч, перадае БЕЛТА.
Такая норма прадугледжана папраўкамі ў Кодэкс аб адміністрацыйных парушэннях і Працэсуальна-выканаўчы кодэкс аб адміністрацыйных правапарушэннях. Законапраект прыняты сёння ў другім чытанні, у працэсе падрыхтоўкі да якога ў ім і з'явіліся нормы аб бяспраўніках.

«У законапраект ўключаны нормы, якія прадугледжваюць магчымасць прымянення адміністрацыйнага арышту за паўторнае на працягу года кіраванне транспартным сродкам асобай, якая не мае на гэта права, а таксама перадачу кіравання такой асобе», — праінфармаваў дэпутат.

Гаворка ідзе пра артыкул 18.19 КоАП. На дадзены момант санкцыя артыкула на першы раз прадугледжвае штраф ад 5 да 20 базавых велічынь, паўторна на працягу года — ад 20 да 50 базавых велічынь (базавая велічыня цяпер складае 23 рублі).

Згодна з занесеным ў парламент законапраектам, прапаноўвалася не пазбаўляць правоў за паўторнае на працягу года перавышэнне хуткасці. Аднак у працэсе падрыхтоўкі да другога чытання ад дэпутатаў і МУС паступілі прапановы аб захаванні ў КоАП гэтай нормы, і яны былі ўлічаныя.

Нагадаем, МУС ініцыявала грамадскае абмеркаванне адміністрацыйнага заканадаўства ў бок лібералізацыі адказнасці за нязначныя правапарушэнні.

Прэзідэнт Беларусі Аляксандр Лукашэнка падтрымаў прапановы МУС па лібералізацыі адказнасці ў дачыненні да шэрагу правапарушэнняў, але заклікаў да асцярожнасці.


Паводле tut.by

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: