За сцяг на намёце ў лесе — 30 сутак

Жыхара Навагрудку Віктара Мацкевіча асудзілі на 30 сутак за незаконнае пікетаванне. Яго абвінавацілі ў тым, што вывесіў бел-чырвона-белы сцяг у лесе, піша Свабода. Прысуд вынеслі ў судзе Дзятлаўскага раёну 22 чэрвеня.


Мацкевіча затрымалі 19 чэрвеня ў лесе паблізу вёскі Баравікі Дзятлаўскага раёну каля ракі Моўчадзь. Мужчына адпачываў на прыродзе ў выходны дзень з намётам, які стаяў у лесе. Аднак гэта не перашкодзіла міліцыянтам расцаніць адпачынак з БЧБ-сцягам як «несанкцыянаванае пікетаванне».

Яго абвінавацілі ў тым, што ён вывесіў «палатно бел-чырвона-белага колеру на намёце».

Справу разглядала суддзя Натальля Лобан.

Таксама ў судзе Дзятлаўскага раёну затрымалі сяброўку Мацкевіча Ірыну Трафімік, якая прыехала яго падтрымаць на суд. Ірына ў перапынках на судовым паседжаньні абуралася тым, што судзяць яе сябра, але абразаў ці лозунгаў не выказвала.
Ірына Трафімік

Ірына Трафімік


Паводзіны Трафімік не спадабаліся намесніку начальніка Дзятлаўскага РАУС Уладзіміру Святоху (ён жа і затрымліваў Мацкевіча). Міліцыянт паведаміў, што яе затрымалі за адміністрацыйнае правапарушэнне, артыкул невядомы. У Ірыны двое непаўналетніх дзяцей.


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: