За суткі мінскія даішнікі дапамаглі 60 кіроўцам

У складаных умовах надвор’я супрацоўнікі ДАІ дапамагаюць кіроўцам.
Ілюстрацыйнае фота tut.by

Ілюстрацыйнае фота tut.by



За мінулыя суткі дапамогу аказалі 60 кіроўцам у Мінску, паведамляе сайт Упраўлення ДАІ ГУУС Мінгарвыканкаму. З 5 студзеня праца ведамства арганізаваная так, каб дапамагаць уладальнікам аўтаў, якія трапілі ў складаную сітуацыю.

«У горадзе выстаўленыя дадатковыя экіпажы ДПС, якія нясуць службу па наглядзе за дарожным рухам, забяспечваюць праезд грамадскага транспарту да прыпынкаў, перашкаджаюць узнікненню затораў і аварыйных сітуацый, суправаджаюць калоны снегаўборачнай тэхнікі», — адзначаецца на сайце ДАІ.

Напрыклад, супрацоўнікі ДАІ дапамаглі кіроўцу зняць прабітае кола і адвезлі яго на шынамантаж, а таксама завезлі дадому дзяцей мінчука, аўта якога «замерзла» і не заводзілася.

У складаных умовах надвор’я ДАІ рэкамендуе паклапаціцца аб спраўнасці сваіх аўтаў, ня выконваць рэзкіх манеўраў на дарозе, не перавышаць хуткасць і захоўваць дыстанцыю, прышпільвацца, быць пільнымі побач з пешаходнымі пераходамі.

Паводле belsat.eu

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: