За знявагу прадстаўніка ўлады — два гады абмежавання волі і 2 000 рублёў кампенсацыі

Мінскі раённы суд 1 лютага вынес прысуд па крымінальнай справе Аляксандра Дзяшчэні. Яго абвінавацілі у абразе прадстаўніка ўлады (арт. 369 Крымінальнага кодэксу).
Справу разглядала суддзя Алена Новікава. Дзяржаўны абвінаваўца – пракурор Фаміна.

З матэрыялаў следства вядома, што 20 верасня Дзяшчэня наўмысна, з дапамогай тэлефона размясціў у суполцы газеты "Радзіма" ў ВКонтакте паведамленне зневажальнага характару, з выкарыстаннем ненарматыўнай лексікі.

Пацярпелы — супрацоўнік міліцыі Павел Курс выставіў матэрыяльную прэтэнзію ў памеры 3 000 рублёў за маральныя пакуты.

На папярэднім судовым пасяджэнні Дзяржаўны абвінаваўца запрасіў для Аляксандра Дзяшчэні два гады абмежавання волі без накіравання ва ўстанову адкрытага тыпу.

Суддзя Алена Новіка вынесла прысуд: два гады абмежавання волі без накіравання ва ўстановы адкрытага тыпу. Апроч гэтага Дзяшчэня павінен выплаціць пацярпеламу 2 000 рублёў кампенсацыі маральнай шкоды. Арышт на тэлевізар, тэлефон і мікрахвалёўку пакінуць у сіле.

spring96.org

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: