Забаранілі намётавы фэст «Раса» пад Шчучынам

Беларусы планавалі правесці пад Шчучынам намётавы фестываль «Раса», які арганізатары называюць беларускім аналагам вядомага амерыканскага фестывалю ў пустыні Невады.
Фэст задумвалі шасцідзённым, даты значыліся такія: з 29 чэрвеня да 4 ліпеня, паведамляе tut.by.

Ідэя правесці такі праект паўстала ў аўтараў у перыяд закрытых межаў. Яны хацелі, каб беларусы самі арганізавалі на фестывальнай пляцоўцы побыт і вольны час, а месцам збору планавалі прызначыць аэрадром пад Шчучынам, што ў двухстах кіламетрах ад сталіцы. Свой выбар арганізатары раней тлумачылі так:

— Шчучынскі аэрадром і яго наваколлі — багатыя свабоднымі прасторамі, дзе ў розных зонах можна размясціць намётавыя лагеры, зоны актыўнасці і фудкорт, а таксама самалёты і верталёты малой авіяцыі, якімі можна будзе скарыстацца на фестывалі.

Аднак, паводле слоў арганізатараў, улады Шчучына «адмовіліся ад свайго ўзгаднення і лічаць немагчымым правядзенне такога тыпу праекта на сваёй тэрыторыі ў дадзены час».

Зараз стваральнікі праекта шукаюць для фестывалю новае месца і новыя даты.


Паводле belaruspartisan.by

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: