Замест «Дынама» арганізатары канцэрта на Дзень Волі падалі новую заяўку

	Зараз	Удзень	Увечары	Уночы
Мінск	+12℃	+15℃	+12℃	+8℃
Брэст	+12℃	+15℃	+12℃	+9℃
Віцебск	+14℃	+16℃	+12℃	+8℃
Гомель	+15℃	+16℃	+10℃	+10℃
Гродна	+11℃	+14℃	+12℃	+8℃
Магілёў	+13℃	+15℃	+11℃	+8℃

	Учора	Сёння
1 долар ЗША	2.3986	2.3986
1 еўра	2.6172	2.6172
100 грывень	8.9604	8.9604
10 польскіх злотых	5.7793	5.7793
100 расійскіх рублёў	3.3424	3.3424

Заяўнікі акцыі на Дзень Волі падалі новую заяўку на святкаванне ўгодкаў БНР.

Павел Белавус. Фота з фэйсбука

Падчас «Вялікай размовы» з журналістамі і прадстаўнікамі экспертнай супольнасці Лукашэнка заявіў, што арганізатары Дня Волі не атрымаюць у якасці пляцоўкі стадыён «Дынама».

У адказ арганізатары падалі ў Мінгарвыканкам заяўку з прапановай правесці святкаванне на іншых пляцоўках.

Эдуард Пальчыс / Еўрарадыё

Пра новую заяўку ў Мінгарвыканкам з нагоды святкавання Дня Волі Эдуард Пальчыс распавёў у інтэрв'ю «Еўрарадыё». “У нас два варыянты. Першы варыянт — шэсце да пляцоўкі ля Палаца спорта і сам Палац спорта як месца, дзе будзе адбывацца святкаванне. Другі варыянт — шэсце на плошчу Свабоды, дзе будзе праведзенае мерапрыемства. Гэта дзве пляцоўкі, на якіх штогод праводзіцца вельмі шмат масавых мерапрыемстваў, самых розных — ад сельскагаспадарчых выставаў да байк-шоў з удзелам прэзідэнта і яго сыноў. Гэта не новенькі стадыён “Дынама”, дзе каго-небудзь можна абразіць. Таму мы не бачым прычын для адмоваў”.

Дырэктар крамы symbal.by Павел Белавус кажа: «Мы не просім нейкія фантастычныя варыянты... Названыя лакацыі добра вядомыя як месца арганізацыі масавых мерапрыемстваў. Гэта магло б быць кампрамісным варыянтам для ўсіх бакоў».

Ён кажа, што не будзе браць удзелу ў святкаванні 101-й гадавіны незалежнасці БНР на плошчы Бангалор. «У выпадку адмовы магчымы сцэнар з дэцэнтралізацыяй святкавання, — кажа Белавус. — Мы не збіраемся ладзіць палітычную акцыю, гэта будзе свята, каб людзі маглі ўзняць бел-чырвона-белыя сцягі, пачуць віншаванні».