Замест вызвалення з ізалятара праваслаўнаму святару з Гомеля зноў далі суткі

28 верасня пасля 10-дзённага арышту мусіў выйсці на волю праваслаўны святар Уладзімір Драбышэўскі. Але гэтага не адбылося.
Уладзімір Драбышэўскі, фота Радыё Свабода

Уладзімір Драбышэўскі, фота Радыё Свабода

Як паведаміў тэлеграм-канал «Гомель пераменаў», учора на святара склалі новы пратакол — за ўдзел у мірнай акцыі 6 верасня.

Сёння, 28 верасня, Уладзіміра Драбышэўскага зноў судзілі ў судзе Савецкага раёна. У пратаколе пазначана, што мужчына ў 14.42 6 верасня знаходзіўся на Савецкай, 12, дзе і прымаў удзел у несанкцыянаваным мерапрыемстве. Уладзімір Драбышэўскі адмаўляе гэта. Паводле яго словаў, пратакол складалі без яго прысутнасці.

Святару далі 15 сутак.

Нагадаем, 18 верасня Уладзіміра Драбышэўскага выклікалі ў РАУС Савецкага раёна для «апытання ў якасці асобы, у адносінах да якой вядзецца адміністрацыйны працэс». Пасля гэтага яго адвезлі ў суд, дзе мужчыну далі 10 сутак.

gomel.today

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: