Затрымалі паэта-пчаляра з-пад Пружан Міколу Папеку

Міколу Папеку вінавацяць у тым, што ладзіў карагод на скрыжаванні галоўных вуліц Брэста. А гэта артыкул 342 Крымінальнага Кодэкса (арганізацыя дзеянняў, якія груба парушаюць грамадскі парадак).
Мікола Папека ўручае Мядовую прэмію Ніне Горык. Фота аўтара

Мікола Папека ўручае Мядовую прэмію Ніне Горык. Фота аўтара



Мікола Папека быў арыштаваны ранкам панядзелка 30 лістапада ў сябе дома. Пра гэта паведамілі землякі ў сацыяльных сетках. Брэсцкія праваабаронцы паведамляюць, што індывідуальны прадпрымальнік і літаратар змешчаны ў ізалятар часовага ўтрымання Ленінскага РАУС Брэста. Паводле іхняй інфармацыі, спадару Папеку закідваюць арганізацыю карагоду на скрыжаванні Бульвара Касманаўтаў і праспекта Машэрава 13 верасня, які заблакаваў рух транспарту. Сам ён віны не прызнае, патрабуе перакладу дакументаў справы на беларускую мову. Таксама праваабаронцы інфармуюць, што затрыманаму можна накіроўваць лісты і тэлеграмы. З 10-й па 12-ю гадзіну серады 2 снежня магчыма аддаць перадачу прадуктаў харчавання і рэчаў.

Спадар Папека ніколі не хаваў свайго скептычнага і няўхвальнага стаўлення да лукашызму. Разам з тым, ён з’яўляецца адным з падпісантаў звароту Рады Берасцейскага аддзялення Саюза беларускіх пісьменнікаў да рэгіянальных уладаў, у якім утрымліваецца заклік да дыялогу з пратэстоўцамі на вуліцах ды іншадумцамі.

Міколу Папеку 28 снежня споўніцца 59 гадоў. Ён лаўрэат літаратурнай прэміі “Гліняны Вялес” (2000 год, за зборнік “Чарнавікі”). Спадар Папека і сам з’яўляецца заснавальнікам унікальнай штогадовай Мядовай (вядро мёду) прэміі. Агулам паэт-пчаляр уручыў лаўрэатам сваёй прэміі 388 кілаграмаў мёду (18 разоў па 16 кілаграмаў). У 2013 годзе прэмія стала міжнароднай – была прысуджана Ніне Горык, паэтцы з памежнай з Берасцейшчынай Валынскай вобласці Украіны. Арышт заснавальніка Мядовай прэміі паставіў пад пытанне яе ўручэнне за 2020 год.




Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: