Журналістаў тэлеканала «Белсат», якія рабілі апытанне, пакаралі за «хуліганства» на 10 і 15 дзён арышту

Змітра Солтана суддзя пакарала на 15 дзён арышту, Любоў Лунёву на 10 дзён.

Любоў Лунёва


Журналістаў судзілі за апытанне мінакоў каля будынку мінскай філармоніі, падчас якога іх затрымалі, паведамляе Радыё Свабода са спасылкай на «Белсат».

Пасля затрымання абаіх даставілі для высвятленьня асобаў у РУУС Савецкага раёну, а пасля перавезлі ў ізалятар на Акрэсціна.

Першым пачалі судзіць відэааператара Змітра Солтана. Працэс вяла Марына Фёдарава, якая ў першай палове дня паспела асудзіць на 15 сутак выкладчыка БДУ Яраслава Ката.

Паводле сведкі, участковага Савецкага РУУС Мікіты Бельскага, і ён асабіста, і капітан міліцыі Вячаслаў Громаў рабілі журналісту «неаднаразовыя заўвагі».

«У холе Савецкага РУУС выказваў незадаволенасць прадстаўнікамі МУС, перашкаджаў працы міліцыянтаў, гучна размаўляў, называў праваахоўнікаў карнікамі і фашыстамі», — даклаў участковы на судзе.

Пасля прамовы сведкі суддзя Марына Фёдарава аб’явіла 20-хвілінны перапынак і пачала судзіць Любоў Лунёву. Пратакол слова ў слова быў такі ж самы, як у Змітра Солтана.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: