Жыхары дома ў Бярозе адмовіліся ад паслугаў ЖКГ

Жыхары аднаго з пад’ездаў шматкватэрнага дома ў Бярозе адмовіліся на сходзе ад паслугаў жыллёва-камунальнай гаспадаркі па прыборцы пад’езда.



Фота з сайта surik.net


Жыхары лічаць, што павышэнне аплаты за прыборку павінна адпавядаць якасці.

Іх зусім не задавальняе якасць прыборкі пры колькасці адзін раз на месяц, кажа старшыня сходу Святлана Свірская:

— Прыбіральшчыца ў нас прыбірала вельмі дрэнна. Калі да мяне прыязджалі госці, мне даводзілася самой мыць вокны, мыць пад’езд і мыць сцены. Я лічу, што кожны са мной згодны.

Жыхары не згодны таксама з метадамі аплаты за асвятленне і рамонт месцаў агульнага карыстання — калі аплата залежыць ад метражу кватэр. На думку жыхароў, у меншай кватэры можа жыць больш людзей, чым у большай. Такі разлік дае таксама магчымасць для маніпуляцый камунальнай гаспадарцы. І з гэтым пытаннем яны вырашылі звярнуцца да дэпутатаў.

Беларускае Радыё Рацыя

 

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: