Жыхары Мазыру і Калінкавічаў засталіся без інтэрнэту

Віной таму — коўш экскаватара, піша Еўрарадыё.

Экскаватаршчык пакінуў без інтэрнэту жыхароў Мазыра і Калінкавічаў. Здарэнне адбылося 10 студзеня. Як інфармуе тэлеканал "Мазыр", апоўдні коўш экскаватара пашкодзіў оптавалаконны магістральны кабель. І гэта нягледзячы на папераджальныя знакі. Паведамляецца, што з-за здарэння была паралізаваная праца некалькіх арганізацый, адчуваліся перабоі ў працы мабільнага аператара МТС.

На аднаўленне кабеля спатрэбілася паўдня. Працы праводзіліся ў моцны мароз.

У Мазыры правядуць расследаванне і вінаватых у "дыверсіі" пакараюць.


Хочаце ведаць больш? Сачыце за нашымі публікацыямі ў Telegram і Facebook!