Жыллёва-камунальная катастрофа ў Мінску

Праблемы з вадой і цяплом у некалькіх кропках сталіцы.
Жыллёва-камунальная катастрофа ў Мінску. Маскоўскі раён, у якім жыве 311 тысяч чалавек, застаўся без ацяплення праз аварыю на цепласетках, якая адбылася каля 18:00. Батарэі ў дамах — ужо пакаёвай тэмпературы, а тэмпература ў пакоях імкнецца да тэмпературы на вуліцы.

Заняткі ў 12 школах, ліцэі №1 і гімназіі №10 з пятніцы перанесеныя на суботу. Без ацяплення таксама засталіся 28 дзіцячых садкоў. Бацькоў просяць апранаць дзетак пацяплей ці пакінуць дома. Ацяплення не будзе як мінімум да 18:00 пятніцы, 22 студзеня.

Таксама праблемы з ацяпленнем у Фрунзенскім раёне, дзе 22 студзеня не будуць працаваць СШ №81 і дзіцячы садок №411.

Таксама ўдзень 21 студзеня гарачай вадой затапіла некалькі пад'ездаў — у Лошыцы на вуліцы Прушынскіх і ў Зялёным Лузе на вуліцы Мірашнічэнкі. А ўвечары прарвала трубы ў 2-м інтэрнаце БДУІР (вуліца Леаніда Бяды). Вада з чацвёртага паверха залівае ўсіх, хто ўнізе.


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: