Агучаны пераможцы прэміі Experty.by (фота)

У мінскім клубе «THT rock club» 22 сакавіка ўзнагародзілі пераможцаў музычнай прэміі паводле партала Experty.by.
Петля пристрастия

Петля пристрастия

Сёлета ў 11 намінацыях змагаліся 29 музычных альбомаў.

Адкрываў цырымонію гурт Nebulae Come Sweet. Музыкі былі ўзнагароджаны ў намінацыі «Лепшы дэбютны альбом» за кружэлку «It Is Not The Night That Covers You».

Nebulae Come Sweet

Nebulae Come Sweet

Прэмію ў намінацыі «Лепшы індзі-поп/элекронны альбом» прысудзілі гурту Shuma за дыск «Сонца».

На гэты раз экспертнае журы зладзіла намінацыю «Лепшы поп-альбом», у якой пераможцам стаў альбом «Import» гурта IOWA.

Прэмію ў катэгорыі «Лепшы фолк-альбом» другі раз запар атрымала Shuma за музычны зборнік «Сонца».

Руся

Руся

«Лепшы рок-альбом» дастаўся гурту «Петля пристрастия» за альбом «Мода и облака».

Узганароду ў намінацыі «Лепшы беларускамоўны альбом» — а гэта мінімум 70% кампазіцый кружэлкі на беларускай мове — атрымаў Лявон Вольскі за сваю двухбаковую «Псіхасаматыку».

Максім Жбанкоў

Максім Жбанкоў

Лёс астатніх 4 прэмій вырашала журы паасобку. Тут зноў барацьба ішла ў асноўным паміж лепшымі рок- і фолк-альбомамі:

«Прыз штатных экспертаў»«Петля пристрастия» «Мода и облака». «Прыз народных экспертаў»Лявон Вольскі «Псіхасаматыка». «Прыз замежных экспертаў» Shuma «Сонца». «Прыз вялікага журы»«Петля пристрастия» «Мода и облака».


У выніку Shuma і «Петля пристрастия» атрымалі па тры ўзнагароды, але больш уплывовымі лічацца менавіта намінацыі «экспертаў». Таму ў галоўнай катэгорыі «Альбом года» перамог гурт «Петля пристрастия». 


Па словах некаторых музычных крытыкаў, 2016 год у айчыннай музыцы быў не вельмі прадуктыўны. Але што  пакажа 2017? Пачуем праз год. 

Хочаце ведаць больш? Сачыце за нашымі публікацыямі ў Telegram і Facebook!