Беларуская паэтка Вальжына Морт атрымала найвялікшую ў Канадзе прэмію за паэзію

Як паведаміў канадскі сайт «Open book», Вальжына Морт, якая цяпер жыве ў Злучаных Штатах, узнагароджаная за кнігу паэзіі «Music for the Dead and Resurrected» («Музыка для мёртвых і ўваскрэслых»), перадае «Свабода».
Вальжына Морт

Вальжына Морт

Прэмія Грыфіна — найвялікшая паэтычная прэмія ў Канадзе. Штогод яна ўручаецца аднаму канадскаму паэту (сёлета гэта Канісія Любрын) і аднаму замежнаму паэту за кнігу на англійскай мове.

У снежні 2020 зборнік Вальжыны Морт «Музыка для мёртвых і ўваскрэслых» выдавецтва «Farrar, Straus & Giroux» аглядальніца «The New York Times» Эліза Габэрт назвала ў ліку васьмі найлепшых кніг паэзіі года.

Вальжына Морт нарадзілася ў Мінску, жыве ў ЗША, дзе выкладае ў Карнэльскім універсітэце. Піша па-беларуску і па-англійску. Яе кнігі выходзілі ў Беларусі, ЗША, Германіі, Швецыі. Морт — лаўрэатка міжнароднай літаратурнай узнагароды «Крышталь Віленіцы» (Славенія, 2005), літаратурнай узнагароды для ўсходнееўрапейскіх аўтараў «Burda Preis» (Нямеччына), літаратурнай узнагароды Бэс Гокін (Bess Hokin Prize) ад амерыканскага часопіса «Poetry».

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: