Беларускі раманс у выкананні Змітра Вайцюшкевіча і Спеўнага Сходу

27 чэрвеня у дворыку «Грай-кафэ» адбудзецца незвычайная падзея. Нарэшце, на Спеўны Сход завітае знакаміты спявак, аўтар шматлікіх беларускіх хітоў і проста «залаты» мужчына — Зміцер Вайцюшкевіч.

У атмасферы летняга і, нават, рамантычнага Менска будзем спяваць вядомыя песні, якія ўжо сталі класікай беларускага гарадскога раманса. Дарэчы, на старонках ініцыятывы ў сацыяльных сетках слухачы могуць прапанаваць сваю ўлюблёную кампазіцыю для таго, каб разам выканаць яе падчас спеўнага сходу. Завітвайце!

Спеўны сход у сацыяльных сетках:

Вядоўца – Сяржук Доўгушаў

Месца: дворык “Грай-кафэ” (Інтэрнацынальная, 33)

Калі: 27.06. Пачатак а 19.30. Уваход вольны (free donation)

Спеўны сход – гэта сустрэчы, дзе людзі збіраюцца разам, каб спяваць розныя беларускія песні. Сяржук Доўгушаў, кіраўнік праекту, ладзіць гэтыя сустрэчы, вучыць людзей спяваць ды спявае разам з імі. Некамерцыйная ініцыятыва «Спеўны сход» ужо чатыры гады яднае сотні людзей, якія маюць цікавасць да беларускай музычнай культуры. Ажыццяўляецца дзякуючы ахвяраванням людзей на платформе talaka.org.

Хочаце ведаць больш? Сачыце за нашымі публікацыямі ў Telegram і Facebook!