Блогер збірае подпісы за ўстаноўку помніка Стэфану Баторыю ў Гродне

Гродзенскі блогер Яўген Аснарэўскі хоча, каб адміністрацыя горада пасадзейнічала ўстаноўцы ў Гродне помніка яго выдатнаму жыхару — каралю Стэфану Баторыю.

Помнік Стэфану Баторыю ў Будапешце

Помнік Стэфану Баторыю ў Будапешце


Яўген не ставіць сабе за мэту сабраць вялікую колькасць подпісаў. Для яго важна данесці гараджанам пасыл пра тое, што горад мае патрэбу ў помніку каралю. Нават пры малой колькасцi подпісаў аўтар плануе даслаць яе старшыні гарвыканкама Мечыславу Гою.

«Петыцыю вырашыў стварыць перш за ўсё каб паглядзець на колькасць галасоў, якую ўдасца сабраць. Нядаўна я напісаў артыкул аб магчымым месцазнаходжанні помніка Баторыю ў Гродне, пасля гэтага і з’явілася жаданне даведацца, колькі чалавек як і я думаюць, што помнік неабходны.

Акрамя таго, такія петыцыі могуць прыцягнуць увагу тых людзей, ад якіх залежыць: быць помніку ці не. Кожны крок да ўсталявання помніка, нават невялікі, важны», — распавёў блогер.

Прыводзім тэкст петыцыі:

Стэфан Баторый — кіраўнік Рэчы Паспалітай які ператварыў Гродна ў фактычную сталіцу гэтай дзяржавы. Пры ім была здзейснена рэканструкцыя гродзенскага Старога замка і закладзена будаўніцтва галоўнага каталіцкага храма — Фары Вітаўта. Баторый запрасіў у Гродна прадстаўнікоў ордэна езуітаў, якія ўнеслі вялікі ўклад у развіццё сістэмы адукацыі і медыцыны, садзейнічаў значнаму павышэнню прэстыжу горада ў рэгіёне і па за яго межамі.

На падставе выкладзенага просім адміністрацыю горада садзейнічаць устаноўцы ў Гродне помніка яго выдатнаму жыхару — Стэфану Баторыю.


Падпісаць петыцыю можна тут.


Паводле hrodna.life

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: