Дзень і ноч танцаў у гарадзенскіх дворыках — ужо заўтра

19 кастрычніка ў Гродне ў трэці раз адбудзецца міжнародная сустрэча «Дзень і ноч танцаў 19/Х/19 у гарадзенскіх дворыках».

 

Наведвальнікаў запрашаюць далучыцца да традыцыйных танцаў, якія спрадвеку танцавалі нашыя продкі. У рэпертуары — полькі, вальсы, факстроты, абэркі, мазуркі, фігурныя танцы. На танцполе дзейнічае прынцып: умееш — пачынаеш танцаваць, не ўмееш — становішся ў кола і вучышся ад іншых.

Сустрэча збярэ музыкальныя капэлы з Беларусі, Польшчы, Латвіі і Расіі. Ахвотныя выканаўцы змогуць зайграць падчас вольнага мікрафона. У традыцыйнай музыцы рэй вядуць гармонік, дуда, скрыпка, цымбалы, труба, барабан. Музыкаў запрашаюць паджэміць разам перад ноччу танцаў на адмысловых музычных пляцоўках.

Упершыню ў Беларусі госці сустрэчы завітаюць на ярмаркі майстроў музычных інструментаў, дзе змогуць пазнаёміцца з іх аўтарамі і калекцыянерамі.

Дзяцей чакае асобная пляцоўка з настольнымі гульнямі, традыцыйнымі танцамі ды забавамі.

Да таго ж, сустрэча дае выдатную магчымасць падняцца на званіцу і больш даведацца пра гродзенскія званы.

Удзельнікам сустрэчы можа стаць кожны. Абавязковая рэгістрацыя.

 

Дзе: Аграсядзіба "Гэлена", Гродзенскі раён, в.

Калі: 19.Х.19.

 

Праграма “Дня і ночы танцаў 19/Х/19 у гарадзенскіх дворыках”

11.00 Гродзенскія званы. Тэматычны шпацыр па вуліцах Старога Гродна з наведваннем дзейнай званіцы.

14.00 Ярмарак майстроў музычных інструментаў

(Аграсядзіба "Гэлена", в. Казіміроўка)

Сустрэчы і знаёмствы з майстрамі, рэстаўратарамі і калекцыянерамі. Прэзентацыі музычных інструментаў.

Дэманстрацыя раней не друкаваных і мала вядомых відэастужак з прыватных архіваў этнаграфічных экспедыцый.

Музычныя джэм-пляцоўкі.

Дзіцячыя пляцоўкі з настолкамі, танцамі і гульнямі.

19.00 Ноч танцаў 19/Х/19

(Аграсядзіба "Гэлена" , в. Казіміроўка)

У танцавальнай праграме граюць: Kapela Niwińskich (Польшча), Kanka Franka (Польшча), Brička (Латвія), "От-Туда" (Расія), "На таку" (Беларусь), Folk Band Koliśnija / Капэля "Колісьнія" (Беларусь), Капэла Танцы Гарадзенскіх Дворыкаў (Беларусь)

Вольная сцэна: час для асобных музыкантаў, дуэтаў і капэл, створаных у межах сустрэчы.



«Танцы Гарадзенскіх Дворыкаў» у сацыяльных сетках

https://vk.com/tancy_dworykau

https://ok.ru/tancydworykau

https://www.facebook.com/groups/844534892343512

 Паводле прэс-рэлізу



Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!