Экскурсавод у Нясвіжскім палацы назвала беларускую мову сялянскай

На экскурсіі для расійскіх турыстаў па Нясвіжскім палацы экскурсавод назвала беларускую мову «польскім дыялектам». Сведкам гэтага стаў фізік Ягор Лебядок.
«Экскурсавод крыху сапсавала настрой («белорусский язык начал формироваться в середине XIX века», «белорусский язык — это диалект польского языка», «белорусский язык — крестьянский язык», «Статут ВКЛ написан на церковном языке или на старославянском языке» і т.п. трызненне», дзеліцца ўражаннямі Ягор.

Падобныя заявы могуць пацягнуць разбор па артыкуле 9.22 Адміністрацыйнага кодэкса — прэцэдэнты ўжо былі. За публічную знявагу дзяржаўнай мовы ў Беларусі можна атрымаць штраф да 245 рублёў ($120).

Экскурсія, пра якую ідзе гаворка, адбывалася ўдзень 25 кастрычніка. Каб разабрацца ў сітуацыі, Еўрарадыё звязалася з кіраўніцтвам запаведніка «Нясвіж».

«Усе экскурсаводы правераныя і ніякай адсябяціны быць не можа, — кажа дырэктар запаведніка Сяргей Клімаў. — Гэта дзікунства. Калі інфармацыя пацвердзіцца, дык супрацоўнік больш працаваць не будзе. У нас праводзіцца тэставанне супрацоўнікаў... Звальняем за меншае: той, хто глядзіць на гадзіннік і выправаджвае людзей з залаў — адразу звальняецца».

Еўрарадыё

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Абмеркаванне:

  • Антаніна
  • 2018-10-26 21:05:19
Сапраўды дзікунства!
Такія манкурты не павінны мець працу ў Беларусі. Мяжа адкрыта - няхай едуць у Расею і там працягваюць несьці сваю лухту. Толькі гарантую, што праз адзін-два месяцы такі "русафіл" завые ваўком, каб вярнуцца на Радзіму і будзе цалаваць потым зямлю пад нагамі, бо не цаніў яе раней.