Fantastic Swimmers падрыхтавалі святочную кампіляцыю

Авант-джазавая суполка "Фантастычныя плыўцы" сабрала ў адзін рэліз неапублікаваныя раней творы.

Час запісу ахоплівае перыяд з 2012 да 2018 года.

Гукасесіі прайшлі ў розных месцах Мінску ды ваколіцах – у вёсцы Гарані ды ў мястэчку Ракаў. У агульным спісе музыкаў, што прадстаўленыя на складанцы, – 15 прозвішчаў. Дзве кампазіцыі створаныя разам з фольк-гуртом Essa на чале з Тодарам Кашкурэвічам і Вольгай Дзядовік. Трэкліст абрамляюць міксы ад замежных дыджэяў Butcher Pete і Dr. Clinch.

"Што тычыцца лакацыяў, у якіх нам давялося выступаць цягам гэтых гадоў, то некаторых ужо няма, як "Галерэі 12", а ў іншых, як у офісе Беларускага саюзу дызайнераў, канцэрты ладзяцца вельмі рэдка. Міксы ад невядомых мне дыджэяў з ужываннем нашай музыкі я папросту аднойчы знайшоў у Сеціве", – прызнаецца бэндлідар Віктар Сямашка.

Паслухаць і спампаваць кампіляцыю Fantastic Swimmers "Selected" можна тут.

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: