Фэст бардаўскай песні на Шаркоўшчыне (фота)

Фэст бардаўскай песні зладзіў Культурна-асветніцкі цэнтр імя Язэпа Драздовіча пры падтрымцы «Беларускай асацыяцыі журналістаў».

На імпрэзу ў вёску Германавічы Шаркоўшчынскага раёна прыехалі барды з Віцебскай вобласці, Менска і Гомеля. Гучалі беларускамоўныя спевы ў розных жанрах. Па словах арганізатара фэсту Ады Райчонак, яна вельмі задаволеная тым, што ў гэтым годзе публіка змагла адкрыць для сябе новыя маладыя таленты.



— Свята вельмі спадабалася. Па-першае, атмасфера была душэўная, як сямейная, што мне заўсёды падабаецца. І сабраліся, як мне здаецца, самыя лепшыя барды. А Бартосік сказаў, што трэба ездзіць на такія фэсты толькі дзеля таго, каб пазнаёміцца з новымі маладымі бардамі, бо былі сярод іх такія, пра якіх ён нават не чуў, а яны вельмі таленавітыя і многаабяцаючыя.



Паводле Ады Райчонак, падобныя фэсты яднаюць аднадумцаў і дазваляюць знайсці новых сяброў. Яны спрыяюць паглыбленню нацыянальнай самасвядомасці, вельмі цікавыя і патрэбныя. «Таму, пакуль жыву, буду іх ладзіць», — кажа спадарыня Ада.

Паводле «Радыё Рацыя»

Хочаце ведаць больш? Сачыце за нашымі публікацыямі ў Telegram і Facebook!