Ці можна знайсці беларускія стравы на Vulitsa Ezha?

Бельгійскія вафлі, тайская лапша, вугорскія калачы, украінскія варэннікі, італьянская паста. А што можна паспрабаваць з айчыннай кухні на гастрафестывалі Vulitsa Ezha? 

Мерапрыемства распачалося 26 жніўня ў сталічным парку «Дрымлэнд». У заключным свяце ежы прымае ўдзел звыш 40  фудкортаў з еўрапейскай, азіяцкай ды амерыканскай кухняй. Але мы паспрабавалі адшукаць у гэтай гастраразнастайнасці аўтэнтычныя беларускія стравы.

І не знайшлі... Усяго толькі ў дзвюх кропках можна набыць дранікі. У Bulbafrites апроч асноўнай ежы, бульбы па-бельгійску, прадаюцца класічныя дранікі са смятанаю. У фудкорце «Хавайся ў бульбу» можна паспрабаваць дранікі з рознымі дадаткамі (ад 3 рублёў) ды дранік-бургер – самая арыгінальная беларуская страва на ўсім фестывалі.

Тым не менше, застацца галодным на Vulitsa Ezha не атрымаецца. Спяшайцеся! Vulitsa Ezha будзе працаваць да 27 жніўня да 22 гадзін.   

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: