Гістарычны музей Беларусі запрашае наведаць экспазіцыю ўсяго за Br1 тыс.

Нацыянальны гістарычны музей Беларусі прадаставіць магчымасць пазнаёміцца з асноўнай экспазіцыяй за сімвалічную плату. Аб правядзенні акцыі "Тысяча рарытэтаў за тысячу рублёў" па продажы білетаў усяго за Br1 тыс. паведамілі БЕЛТА ў музеі.



У апошнія дні лета, пачынаючы з 24 жніўня, у наведвальнікаў музея ёсць магчымасць пазнаёміцца з гісторыяй Беларусі, заплаціўшы ўсяго Br1 тыс. Удзельнікі акцыі за такую цану змогуць наведаць асноўную экспазіцыю музея, якая ўключае ў сябе праекты "Вялікая прэзентацыя музейных рэліквій: 79 ступеней углыб гісторыі", "Мастацтва ў гарадской культуры XIX-XX стст.", "Тры апавяданні пра вайну", "70-годдзю Вялікай Перамогі прысвячаецца", "Беларусь XVI-XVIII стст. у партрэтах і геральдыцы" і фотавыстаўку "Зачараванне".


У музеі адзначылі, што ў сувязі з правядзеннем акцыі дзень бясплатнага наведвання (апошняя серада месяца) адмяняецца.
 
 

Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • ВР
  • 2015-08-24 15:51:02
Маглі б удакладніць, што "ўсё за тышчу" - па 28 жніўня толькі. Ну і "79 прыступак", не "ступеней".

Больш цікавага на «Новым Часе»: