«Грунвальд. Сёння» адкрыецца ў Нацыянальным гістарычным музеі

15 ліпеня 2020 г. у Нацыянальным гістарычным музеі Рэспублікі Беларусь пачынае працу фотавыстава, пасвечаная 610-годдзю з дня Грунвальдскай бітвы «Грунвальд. Сёння».
Грунвальдская бітва (15 ліпеня 1410 года) стала вырашаючай бітвай у ходзе “Вялікай вайны” 1409-1411 гг. злучаных сіл Польскай Кароны і Вялікага княства Літоўскага супраць Тэўтонскага ордэна рыцараў-крыжаносцаў. Дадзеная бітва лічыцца адной з буйнейшых на працягу ўсёй эпохі Сярэднявечча. Перамога менавіта ў гэтай вайне зрабіла Вялікае княства Літоўскае адной з магутнейшых дзяржаў Сярэднявечнай Еўропы.

Ідэя фотавыставы “Грунвальд. Сёння” – адлюстраванне ўздзеяння гістарычнай памяці ў сучасным грамадстве на культуру праз ваенна-гістарычную рэканструкцыю перыяду XII—XVI ст. Рэалізацыя дадзенай ідэі – экспанаванне фотаматэрыялаў беларускіх і замежных гістарычных фестываляў, буйнейшымі з якіх з’яўляюцца фестываль “Наш Грунвальд” у Беларусі і “Дні Грунвальда” у Польшчы. Праект суправаджаецца дадатковай інфармацыяй і будзе даступны для тых, хто наведвае музей віртуальна.


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: