«J:морс» выпускае ўласны морс. І гэта не жарт

"Нам перыядычна прапаноўвалі выпусціць морс «J:морс» і раней, але толькі зараз мы пабачылі сур’ёзны падыход да справы", — распавёў лідар гурта Уладзімір Пугач пра новы напой «J:морс»




Гурт «J:морс» выпускае ўласны морсавы напой — ужо на наступным тыдні яго можна будзе набыць па ўсёй краіне. Пакаштаваць навінку можна будзе 14 лютага на канцэрце калектыву ў сталічным Prime Hall.

Морсавы напой «J:морс» — супольны  прадукт гурта і Мінскага завода безалкагольных напояў, вядомага па мінеральнай вадзе «Мінская-4», соку «Бярозавік», «Бела-коле».


Першая партыя новага прадукту ўжо вырабленая і знаходзіцца на стадыі сертыфікацыі. Да сярэдзіны лютага пляшкі з «J:морс» двух смакаў (журавіны і чорная парэчка) павінны з’явіцца на паліцах крамаў па ўсёй краіне.

— На Захадзе выпуск брэндзіраваных музыкамі напояў — папулярная практыка. Па такой схеме працуюць Metallica, Kiss і шматлікія іншыя артысты. Мы вырашылі, што Беларусь нічым не горшая. Напой «J:морс» мы распрацоўвалі каля шасці месяцаў з музыкамі гурта, перабралі 15 варыянтаў смаку. Гэта цалкам натуральны прадукт, — адзначае Юрый Ракавец, дырэктар па маркетынгу Мінскага завода безалкагольных напояў.


— Нам перыядычна прапаноўвалі выпусціць морс «J:морс» і раней, але толькі зараз мы пабачылі сур’ёзны падыход да справы. Напой атрымаўся вельмі смачным — спадабаўся мне самаму і ўсім, каму даваў пакаштаваць, — адзначыў лідар гурта Уладзімір Пугач.

14 лютага ў Prime Hall гурт «J:морс» прэзентуе новую праграму «Крылы». Інфалінія: (044) 551 77 06, (029) 851 77 06.

 

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: