Яшчэ адзін дырыжор Опернага тэатра вырашыў не вяртацца да працы, пакуль не будуць адноўленыя яго калегі

З пратэстам супраць рэпрэсій выступіў Вячаслаў Чарнуха-Воліч.

«Я вельмі люблю родны Оперны тэатр, але не змагу ўстаць за дырыжорскі пульт, пакуль не будуць адноўлены мае бязвінна рэпрэсаваныя калегі», — цытуе Вячаслава Чарнуху-Воліча «Наша Ніва», які працаваў у тэатры ад 2006 года. Ён адвёў спектакль «Шчаўкунок» 23 кастрычніка і адразу пасля гэтага з'ехаў з краіны ва Ўкраіну.

Праца Оперы фактычна спынілася пасля пагромнага звальнення яе зорак, якія падтрымалі пратэсты і выступілі з дэмаршам у антракце «Царскай нявесты». Раней рух супраць фальсіфікацый і гвалту падтрымалі Тэатр імя Янкі Купалы, а таксама, у той ці іншай форме, калектывы РТБД, Новага тэатра, трупы Гродна і Магілёва.

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: