Каляндар «Не маўчы па-беларуску!» на 2018 год: што новага?

«Будзьма» падрыхтавала самую сабачую версію свайго папулярнага календара «Не маўчы па-беларуску!» на 2018 год.

Кампанія “Будзьма беларусамі!” вырашыла працягнуць свой папулярны праект – каляндар “Не маўчы па-беларуску” – і на 2018 год. Выданне трох папярэдніх календароў агульным накладам 21 000 асобнікаў зрабіла дадзены праект адным з самых паспяховых і запатрабаваных беларускамоўных неперыядычных выданняў апошняга часу.  


У адказ на шматлікія просьбы і звароты рыхтуецца новы выпуск. Як вядома наступны год – год Сабакі па ўсходнім календары. "Будзьма беларусамі!" вырашылі паказаць, што сабака і для нас не чужая істота, таму сабралі і аздобілі 12 найбольш цікавых беларускіх “сабачых” прымавак! Традыцыйна ўкладаннем і аздабленнем календара занятыя Дар’я Мандзік і кіраўнік студыі “Адліга” Анатоль Лазар.

Яшчэ крыху цярпення – і каляндар будзе ў кнігарнях!
 


Хочаце ведаць больш? Сачыце за нашымі публікацыямі ў Telegram і Facebook!