Лідар «Старога Ольсы» запісаў ва Украіне сольны альбом

Зборнік Змітра Сасноўскага атрымаў назву «Айчына і каханне», піша budzma.by.
Альбом атрымаўся «бардаўскім». Чаму так выйшла аўтар адказаў у фэйсбуку: «Не захапіў ва Украіну, калі бег, дуду. Гітару знайшоў тут».

Нагадаем, што ў лістападзе мінулага году Зміцер быў вымушаны эвакуявацца ва Украіну ад пераследу сілавікоў. Да гэтага яго затрымалі ў Клецку за ўдзел у ланцугу памяці. Пасля трох содняў у пастарунку і штрафу Зміцер пакінуў краіну.

Зміцер Сасноўскі — музыка, гісторык. Папулярызатар сярэднявечнай музыкі. Нарадзіўся ў Гомелі.

У маладосці Зміцер паехаў у Латвію, дзе працаваў памагатым на цяжкіх працах у майстра старых інструментаў, адно каб навучыцца граць на гуслях.

У 1999 годзе заснаваў гурт «Стары Ольса». Разам з гуртом Зміцер займаецца рэканструкцыяй даўніх інструментаў, а таксама выконвае старажытныя мелодыі — з сусветнага музыказбору і спадчыны Вялікага Княства Літоўскага. Аўтар кнігі «Гісторыя беларускай музычнай культуры ад старажытнасці да канца XVIII стагоддзя», фактычна першага падручніка па гісторыі нацыянальнай музыкі.

Паслухаць альбом можна тут.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: