Модны паказ у гістарычным музеі — 13 сакавіка

У Нацыянальным гістарычным музеі 13 сакавіка а 14-й гадзіне адбудзецца творчая сустрэча і паказ адзення дызайнераў Рэспубліканскага фестывалю-конкурсу моды і фота «Мельніца моды». Імпрэза праводзіцца ў межах выставачнага праекта.

На імпрэзе 13 сакавіка мадэлі FashionStyleModels by Igor Ivanov прадэманструюць калекцыі Кацярыны Козак і Святланы Князевай. Таксама падчас мерапрыемства пройдзе лекцыя аўтараў адзення.

Кожны год фестываль-конкурс «Мельніца моды» адкрывае новыя імёны таленавітых дызайнераў, мадэлей, фатографаў і фотамадэлей, цырульнікаў і стылістаў, якія дзякуючы фестывалю-конкурсу атрымліваюць магчымасць развівацца і стаць вядомымі.

На выставе «Беларускі касцюм: мінулае і сучасны дызайн» прадстаўлены аўтэнтычныя беларускія строі і касцюмы, створаныя сучаснымі дызайнерамі. Сярод іх дэманструецца камплект з калекцыі «Дзявоя» дызайнера Святланы Князевай. Калекцыя заняла ІІ месца на XXVIⅠ Рэспубліканскім фестывалі-конкурсе моды і фота «Мельніца моды-2018».

Сучасны вобраз з калекцыі «Клёкат» на выставе прадставіла і Кацярына Козак. Дадзеная калекцыя заняла I месца на XXVIII Рэспубліканскім фестывалі-конкурсе моды і фота «Мельніца моды-2019».

Адрас: г. Мінск, вул. Карла Маркса, 12

Штодня з 11:00 да 19:00.

Тэл.: (017) 374-83-22, 374-35-32

www.histmuseum.by



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: