Названы лаўрэаты прэмій імя Міхася Стральцова і часопіса «Дзеяслоў» «Залаты апостраф»

Паэтка Наста Кудасава стала лаўрэатам літаратурнай прэміі імя Міхаіла Стральцова. Гэта рашэнне сёння аб’явіла на цырымоніі ўручэння ўзнагароды журы прэміі ў складзе Алены Стральцовай, Уладзіміра Някляева, Аксаны Спрынчан і Міхаіла Скоблы.
Падчас узнагароджання. На фота (злева направа): Алена Стральцова, Барыс Пятровіч, Уладзімір Някляеў, Наста Кудасава, Аксана Спрынчан, Міхаіл Скобла. Скрын з трансляцыі.

Падчас узнагароджання. На фота (злева направа): Алена Стральцова, Барыс Пятровіч, Уладзімір Някляеў, Наста Кудасава, Аксана Спрынчан, Міхаіл Скобла. Скрын з трансляцыі.


«За навізну метафарычнага асваення духоўнага свету, спалучэнне традыцый нацыянальнай паэтыкі з мадэрнісцкімі вобразна-выяўленчымі мастацкімі формамі», — так агучыў матывацыю прафесійнага журы ў іх выбары страшыня Саюза беларускіх пісьменнікаў і галоўны рэдактар часопіса «Дзеяслоў» Барыс Пятровіч.

Гэта той аўтар, які піша светлую паэзію нават у цёмныя часы, — дала асабістую характарыстыку творчасці паэткі Аксана Спрынчан.

Прэмія часопіса «Дзяслоў» «Залаты апостраф» уручалася ў трох намінацыях.

«Залаты апостраф» за лепшую прозу ў 2020 годзе атрымаў віцебскі пісьменнік Сяргей Рублеўскі.

Барыс Пятровіч уручае «Залаты апостраф» Сяргею Рублеўскаму.

Барыс Пятровіч уручае «Залаты апостраф» Сяргею Рублеўскаму.


Міхаіл Бараноўскі быў уганараваны ў намінацыі «За лепшую паэзію».

Маладая аўтарка Кася Іофе была адзначана ў намінацыі «За лепшы дэбют».

А слынная аўтарка часопіса «Дзеяслоў», «чалавек-эпоха», па словах намесніка галоўнага рэдактара часопіса «Дзеяслоў» Алеся Пашкевіча, Алена Сямёнаўна Васілевіч была ўзнагароджана «Залатым апострафам» «за высокі ўклад у сучасную беларускую літаратуру».

Цырымоніі ўручэння прэмій сталіся пачаткам Х Міжнароднага паэтычнага фестывалю «Вершы на асфальце», які прадоўжыцца да 14 лютага.

Пазнаёміцца з далейшымі мерапрыемствамі падзеі можна тут.

reform.by

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: