(Не)жаночае аблічча беларускай прозы: прэмія Гедройця і пісьменніцы

Ці мала ў сучаснай беларускай літаратуры пісьменніц і ці цяжэй ім прабіцца/атрымаць увагу журы, крытыкаў і экспертаў? Чаму дагэтуль ніводная жанчына не атрымала прэмію Гедройця, у той час як адзіную беларускую Нобелеўскую прэмію атрымала менавіта жанчына, Святлана Алексіевіч?

29 верасня ў 18.30 на youtube-канале Беларускага ПЭНа пройдзе другая анлайн-дыскусія ў межах сёлетняй прэміі імя Ежы Гедройця. Марына Казлоўская, Марыя Мартысевіч і Ганна Севярынец абмяркуюць, якое становішча ў сучасным беларускім літаратурным працэсе займаюць жанчыны. Мадэратаркай дыскусіі выступіць Ганна Янкута.

Ці мала ў сучаснай беларускай літаратуры пісьменніц і ці цяжэй ім прабіцца/атрымаць увагу журы, крытыкаў і экспертаў? Чаму дагэтуль ніводная жанчына не атрымала прэмію Гедройця, у той час як адзіную беларускую Нобелеўскую прэмію атрымала менавіта жанчына, Святлана Алексіевіч? У першы год існавання прэміі Гедройця ў доўгі спіс трапляла толькі адна пісьменніца, а ў апошнія гады лічба павялічылася да двух-чатырох. Ці сведчыць гэта пра змены ў літаратурным полі? Ці робіць прэмія Гедройця больш бачнымі кнігі, якія пішуцца жанчынамі?

Сумесна паразважаюць над гэтымі ды іншымі пытаннямі літаратуразнаўца і перакладчыца Марына Казлоўская, паэтка Марыя Мартысевіч, а таксама пісьменніца, літаратуразнаўца і настаўніца Ганна Севярынец. Мадэраваць дыскусію будзе перакладчыца і аўтарка дзіцячых кніг Ганна Янкута.

Дыскусія пройдзе ў сераду 29 верасня а 18.30 на youtube-канале ПЭНа па спасылцы, а таксама ў сацсетках ПЭНа. 

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: