Гісторыя гурта бярэ пачатак з 2010 года. Праз некаторы час калектыў вынікова сфармаваўся, пачаў гастраляваць і атрымаў некалькі ўзнагарод і прызнанне. У 2016 «Один в каное» выдаў свой дэбютны двухбаковы альбом, восенню гэтага года чакаецца выхад другой кружэлкі.
Музыкі спяваюць пераважна на ўкраінскай мове, хаця ёсць песня «Пішы» па-беларуску. Яна прагучала на канцэрце. Паводле прызнання салісткі гурта Ірыны Швайдак, яе бабуля паходзіць з Беларусі, і яна крыху пазнаёміла ўнучку з нашай мовай.
