Patryjoty 1200 100 2e1c7308a3a48a13db21bf292e831989ae0299303b01379966627b13afde24a1

Партугалія прадставіла лагатып і слоган «Еўрабачання-2018»

Арганізатары «Еўрабачання-2018» у Партугаліі прадставілі новы лагатып конкурсу ў выглядзе марской ракавіны, а таксама дэвіз — «Усе на борт!».

Пра гэта гаворыцца ў паведамленні на афіцыйным сайце конкурсу.

На думку арганізатараў, лагатып і слоган павінны нагадваць аб адмысловым «марскім» статусе Партугаліі, якая размешчана на беразе Атлантычнага акіяна.


Нагадаем, пераможцам «Еўрабачання-2017», які прайшоў у Кіеве ў маі, стаў партугальскі спявак Сальвадор Сабраў з песняй Amar Pelos Dois («Для нас абодвух»), якую ён напісаў у суаўтарстве са сваёй сястрой Луізай.

Беларусь на «Еўрабачанні-2017» прадстаўляла група NaviBand, якая ўпершыню выканала з конкурснай сцэны песню па-беларуску.

Партугалія будзе прымаць конкурс упершыню. Удзел у конкурсе возьмуць 42 краіны. Сваіх прадстаўнікоў на конкурс ужо выбралі Бельгія і Фінляндыя, затое некалькі краін, у прыватнасці, Турцыя і Славакія адмовіліся ад удзелу.

Каментаваць