PAULINE збірае сродкі на кліп

21 сакавіка, у Сусветны дзень паэзіі, музычны гурт PAULINE распачаў краўд-кампанію на ulej.by па збору сродкаў на кліп.
Упершыню пра сольны праект спявачкі PAULINE пачулі ў 2013 годзе, калі свет убачыла кампазіцыя «Трымай мяне».

У 2014 годзе з'явілiся песнi «Пачакай» і «Цябе», пасля якіх, ужо ў 2015, праект пераўтварыўся ў гурт і атрымаў прэмію «Адкрыццё году» па версіі tuzin.fm.

У свой час гурт прыняў удзел у конкурсе «Заспявай 3.0», для ўдзелу ў якім была створана песня «Людзі, дзе вы?» на выдатны верш беларускай паэткі Ірыны Багдановіч «Смутак гораду». Менавіта гэтая песня прынесла перамогу гурту і хутка разляцелася па сацыяльных сетках.

На думку музыкаў, гэты ўдалы канэкт слова і музыкі варты таго, каб атрымаць увасабленне ў відэа, а падтрымаўшы кампанію, вы падтрымліваеце не толькі сучасную беларускую музыку, але ячшэ і беларускую паэзію, а таксама дапамагаеце ўзняць актуальную сацыяльную праблему — адзінота сярод натоўпу.

Праект прапануецца падтрымаць не за проста так і нават не за «дзякуй». Гурт падрыхтаваў цэлы шэраг лотаў: ад ручкі з лагатыпам да экскурсіі па Полацку разам з клавішніцай гурта ці ўдзелу ў квэсце разам з гуртом. Канешне, ёсць сярод лотаў і выступ PAULINE на вашым мерапрыемстве.

А у выніку поспеху кампаніі гурт абяцае для кожнага вечарыну, на якой адбудзецца канцэрт і прэзентацыя кліпа!


Паводле прэс-рэліза


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: