Першая ў Беларусі вуліца стрыт-фуда адкрылася ў Маладзечне

13 ліпеня ў Маладзечне адкрылася «Вуліца стрыт-фуда»! Гэта першы ў краіне праект, які на адной вуліцы аб'ядноўвае 12 вулічных рэстаранаў, а таксама крэатыўную прастору для выстаў, лекцый і вулічных выступаў. Да яго адкрыцця вуліцу распісалі графіці мастакі з розных краін свету. Цяпер колькасць малюнкаў тут не менш, чым на мінскай Кастрычніцкай.
Першым івэнтам на «Вуліцы стрыт-фуда» стаў гастрафестываль, у якім прынялі ўдзел 7 рэстаранаў з азіяцкай, беларускай, мексіканскай кухнямі. У летні сезон арганізатары абяцаюць праводзіць на вуліцы лекцыі, выставы і выступы вулічныхмузыкаў. 

Яшчэ ў 2017-м Маладзечна стаў сакрэтнай сталіцай стрыт-фуда. Фудхантеры з Мінска даведаліся пра лацінаамерыканскія бургеры з мясцовай закусачнай «Сабросо» і праславілі іх на ўсю Беларусь. Стваральнікі праекта, у сваю чаргу, шукалі месца, дзе маглі б стварыць крэатыўную прастору ў горадзе: для канцэртаў, правядзення святаў і іншых гарадскіх актыўнасці. Карты сышліся, і гэтым месцам вырашана было зрабіць вуліцу Францыска Скарыны. Так і з'явілася «Вуліца стрыт-фуда».

Ідэя праекта ўпершыню была прадстаўлена у 2018 годзе на конкурсе сацыяльных праектаў Social Weekend, дзе арганізатары атрымалі фінансавую падтрымку ў 10 000 рублёў ад velcom | A1. Атрыманыя сродкі дапамаглі зрабіць вуліцу камфортнай для адпачынку.

«Мы рады падтрымаць яркі рэгіянальны праект, які аб'яднаў прадстаўнікоў розных гарадскіх супольнасцяў. У свеце прыкметны трэнд на развіццё малых гарадоў, сталіцы перастаюць быць адзіным цэнтрам прыцягнення. Многія жыхары Маладзечна пранікліся праектам, сталі валанцёрамі і дапамагалі з рэалізацыяй ідэі. Мы спадзяемся, што прыклад «Вуліцы стрыт-фуда» натхніць на рэалізацыю падобных ініцыятыў мясцовыя супольнасці з іншых гарадоў Беларусі», — адзначыў начальнік аддзела карпаратыўных камунікацый velcom | A1 Мікалай Брэдзелеў.

За візуальнае афармленне праекта адказвалі вулічныя мастакі з розных краін: так на вуліцы з'явіліся 48 графіці ад майстроў з Італіі, Люксембурга, Азербайджана, Расіі і Беларусі. Праект таксама атрымаў яшчэ адзін вядомы сімвал: ім стаў ўлюбёнец гараджан кот Францыска, у гонар якога нават думаюць перайменаваць вуліцу.

«Падрыхтоўка праекта заняла ў нас крыху менш за год. За гэты час мы дамагліся таго, каб частка вуліцы стала пешаходнай, разам з камандай і з дапамогай валанцёраў ўсталявалі вулічную мэблю, заняліся азеляненнем і асвятленнем, з'явілася месца і для музыкаў, — распавядае Ганна Холад, арганізатар вуліцы стрыт-фуда. — Нам важна было стварыць паўнавартасную гарадскую арт-прастору, дзе змогуць праходзіць лекцыі, выставы і канцэрты, даступныя для ўсіх, дзе людзі змогуць весела і цікава праводзіць час».

З Мінска да вуліцы стрыт-фуда ў Маладзечне можна дабрацца некалькімі спосабамі:
- на электрычцы з цэнтральнага ж / д Вокзала за 1 гадзіну 45 хвілін
- на маршрутцы з д / с Дружная за 1 гадзіну 20 хвілін
- на аўтамабілі пры дапамозе навігатара.
Адрас: г. Маладзечна вул. Ф.Скарыны, 14 (арыенцір - міні-рынак «Спадар»)

Паводле прэс-рэлізу

Хочаце ведаць больш? Сачыце за нашымі публікацыямі ў Telegram і Facebook!