Прадчуванні снегу ў музеі Максіма Багдановіча

Літаратурны музей Максіма Багдановіча запрашае 22 лістапада на канцэрт Алесі Сівохінай «Прадчуванні снегу».

 

Колькі будзе круціцца сонечнае кола, колькі разоў паўторыцца гэты кругабег, столькі мы, пакуль не скасцянелі душой, будзем чакаць цудаў. Зімой – коцікаў на вярбе. Вясной – першыя суніцы. Летам – каштанаў і кляновых вогненных фарбаў. Увосень – першага снегу. Жывем у шчымлівым прадчуванні зменаў, прадчуванні прыгожага.

Літаратурны музей Максіма Багдановіча запрашае на выступленне спявачкі Алесі Сівохінай, майстра паказаць у песні самыя тонкія адценні эмоцый – прадчуванні любові, хараства, снегу. Імпрэза пройдзе пры ўдзеле Алеся Камоцкага і Міхала Бараноўскага.

Чакаем вас 22 лістапада. Пачатак а 19-й гадзіне.

Месца правядзення: Літаратурны музей Максіма Багдановіча (г.Мінск, вул. М.Багдановіча, 7а – Траецкае прадмесце).

Даведкі па тэлефонах: (8 017) 334-07-61, (8 017) 334-42-69.

Паводле прэс-службы Музею Максіма Багдановіча.




Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • Anatol Starkou
  • 2018-11-09 18:19:37
НАЧАВАЛА З ВЕРАСНЕМ У ЛЕСЕ…

Начавала з Вераснем у лесе…
Цёплай ночкай
Месяц прывітаў.
Калыхаў-люляў пакутнай песняй
Вецер.
Дождж у раніцу
Расой й кропелькай слязу змываў.

Развіталася…
Й з Днём кружыла
Мо імгненне,
Мо да Вечара,
Бо зноў

Начавала з Вераснем
У лесе...

Восень?
Дзеўчына?
Любоў?..

© 2010 Anatol Starkou.
Brooklyn, NY.

Каментаваць