Прэзентацыя кнігі «Песня пра Цімура»

13 снежня (пятніца) у літаратурным музеі Максіма Багдановіча адбудзецца прэзентацыя кнігі Андрэя Адамовіча «Песня пра Цімура».
«Каб не цягаць кіта за жабры, адразу скажу, што «Песьня пра Цімура» — найлепшая празаічная кніга гэтага году, адна зь лепшых — дзесяцігодзьдзя», — Наста Грышчук.

«Старанна выседжаныя гэгі «Камедзі-клаба», вінтажна-нафталінныя жарты Клуба вясёлых і знаходлівых, натужны закадравы смех сіткомаў — усё гэта ляціць на чытача, як пасажыры з перапоўненага аўтобусу», — Раман Хулдач.

«І зноў ад пафаснасці і прыдыхання некаторых рэцэнзій на гэты твор у мяне пачынае зводзіць сківіцы і вочы закатваюцца ўгару: чарговы шэдэўр, а калі ўжо што-небудзь нармальнае пачытаць можна будзе!» — Уладзімір Садоўскі.

Усё гэта новая кніга Андрэя Адамовіча. Таму, калі хочаце самастойна разабрацца, што гэта насамрэч за звер (закрэслена) твор і з чым яго есці, завітвайце ў музей Багдановіча. Разабрацца ў вас, канешне, не атрымаецца, але будзе магчымасць пазнаёміцца са стваральнікам «Песні...» і самім Цімурам Хомічам, падпісаць кнігу ў аўтара і ў персанажа — дзе яшчэ такое бывае!

13 снежня, 19.00, Літаратурны музей Максіма Багдановіча (вул. М. Багдановіча, 7А).
Уваход вольны.


Паводле прэс-рэліза

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: