Рэкорднае наведванне спектакляў — у Купалаўскім

943 гледача наведалі спектаклі Нацыянальнага акадэмічнага тэатра імя Янкі Купалы 3 кастрычніка 2019 года — гэта рэкорд для драматычных тэатраў Беларусі.


На галоўнай сцэне Купалаўскага тэатра і на пляцоўцы Цэнтральнага дома афіцэраў з аншлагам прайшлі спектаклі "Рэвізор" і "Паўлінка".

За апошнія гады гэта самае масавае наведванне спектакляў сярод драматычных тэатраў Беларусі.

Купалаўцы ўдзячныя ўсім гледачам, аматарам тэатральнага мастацтва, за зацікаўленасць, якую яны праяўляюць да творчасці тэатра ў перыяд 100-га тэатральнага сезона і запрашаюць у Купалаўскі!

Для даведкі: 338 месцаў — такая колькасць месцаў у глядзельнай зале Купалалаўскага тэатра.

Паводле прэс-рэлізу 

 

Хочаце ведаць больш? Сачыце за нашымі публікацыямі ў Telegram і Facebook!