Рыта Дакота заспявала свой хіт па-беларуску

Папулярная ў Расіі спявачка беларускага паходжання Рыта Дакота выклала ў Інстаграм відэа, дзе спявае свой хіт «Спички» на беларускай мове і запрашае на канцэрт у Мінску, які адбудзецца 17 снежня ў Prime Hall.
«Любімая Беларусь, любімы Мінск! Я вельмі хутка да вас прыеду», – кажа яна напрыканцы відэа, анансуючы выступ, дзе прагучаць лепшыя песні і новыя хіты. У самім посце спявачка з гумарам назвала сябе «бульбай», пад ім зараз ідзе актыўнае абмеркаванне.

Першапачаткова беларуская версія песні была створана ў 2009 годзе для праекта «Тузін. Перазагрузка». Пераклад зрабіў паэт Глеб Лабадзенка.

Рыта Дакота заявіла пра сябе ў межах тэлевізійнага праекта «Фабрыка зорак – 7», пасля развіўшы поспех у якасці самастойнай артысткі і папулярнага сонграйтэра. Першы сольны канцэрт спявачкі ў Мінску год таму прайшоў з аншлагам.

Паводле прэс-рэлізу


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!