Самы непрадказальны, містычны фестываль гэтай восені: «Дзень усіх Святых у Бруге»!

Магутны гук, змрочныя інсталяцыі, шакавальныя перформансы і тагасветныя дэкарацыі! У ноч, калі халоднае святло месяца з цяжкасцю прабіваецца праз нізкія аблокі, у цёмных завулках ажываюць цені, а парывісты вецер шпурляе пад ногі мокрае лісце, дзверы паба «Бруге» адчыняцца для тых, хто чакаў гэтай ночы цэлы год!

Перабраўшыся тры гады таму з змрочных сцен «Замка Рытэрбург» на пляцоўку сталічнага клуба «Бруге», фестываль, як і раней, працягвае збіраць на вар'яцкую вечарыну сотні прыхільнікаў цяжкай музыкі і змрочнай атмасферы Хэлоўіна з усёй Беларусі.


Асаблівасцю фэсту з'яўляецца абавязковая наяўнасць пэўнай тэматыкі, вакол якой круціцца канцэпцыя і візуальнае афармленне сцэны, усіх лакацый і інтэрактыўных зон мерапрыемства.

Тэматыка 8-га па ліку фестывалю «Дзень усіх Святых-2019» перанясе гасцей клуба ў змрочную, загадкавую атмасферу серыяла "Чарнобыль"! Але і тут мы зрабілі крок далей, выказаўшы здагадку, што выбух чацвёртага энергаблока адкрыў партал да забытых сусветаў Вікінгаў, у містычны ніжні свет «Хельхейм».


Музычны блок фестывалю ў 2019 годзе прадставяць знакавыя метал-каманды Беларусі:

Engraving Infinity (дарк-метал)
Beyond the Darkness (дэз-дум мэтал)
Exist M (мадэрн-метал)
NHLST (рок)
Exegutor (грайндкор)
Evthanazia (брутал дэз-трэш метал)

Акрамя выступу музычных каманд, гасцей фестывалю чакаюць баі вікінгаў, шоу каскадзёраў, змрочныя дэкарацыі і фотазоны («Рэактар», «Трон Одзіна»), анімацыйная праграма, боды-арт шоу, перформансы, экстрэмальнае шоу хадулістаў, шоу шаманаў, неонавае шоу і многае іншае!


***
 «Дзень усіх Святых-2019» адбудзецца 31 кастрычніка ў пабе «Бруге» (Мінск, Партызанскі прасп. 6А). Дзверы адчыняцца а 17-й.


Інфалінія: +375 (29) 310-46-20
Арганізатары: Экстрым Тэатр «Berserk»

Афіцыйная група: vk.com

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!