Tonqixod адыгралі канцэрт на развітанне (фота)

Што будзе ў «Tonqixod» далей? У афішы было напісана менавіта «Канцэрт на развітанне?» — з пытальнікам.

Гурт года па версіі «Новага часу» і Experty.by спыніў сваё існаванне яшчэ ў канцы 2017. Але хлопцы вырашылі сабрацца з канцэртам у Мінску і 7 чэрвеня выступілі ў клубе «Бруге».


Гук, святло, разнастайнасць інструментаў і напрамкаў — усё было на высокім узроўні. Да трыа далучыўся саксафаніст Фрыд Самотны. Ён прымаў удзел у запісе апошняга альбому.

Гучаў джаз, псіхадэліка, пад канец канцэрта дадалося шмат доўгіх інструментальных партый. Гэта ўжо характэрна для арт-рока і прагрэсіўнай музыкі. Такі феномен для беларускага гучання ўнікальны. Хлопцы адыгралі ў адзін акт амаль усё, што ў іх было і за што іх запомнілі.


Што будзе з Tonqixod далей? Займальна, што ў афішы было напісана менавіта «Канцэрт на развітанне?». Пытальнік дае спадзяванне на тое, што арт-рокавае трыа яшчэ дасць канцэрт. У музыкаў зараз свае праекты: гітарыст Уладзь Лянкевіч грае ў дуэце з Эрыкам Арловым-Шымкусам, бубнач Андрэй Аляксеенка зараз у гурце “Irdorath”, а клавішнік Максім Субач працуе над новым інструментальным праектам.


 

Хочаце ведаць больш? Сачыце за нашымі публікацыямі ў Telegram і Facebook!

Каментаваць