У М'янме заблакавалі Facebook, каб «захаваць стабільнасць»

У М'янме пасля дзяржаўнага перавароту заблакаваныя сэрвісы Facebook. Ваенны ўрад у М'янме, які прыйшоў да ўлады 1 лютага, загадаў правайдэрам заблакаваць Facebook на фоне нарастаючых пратэстаў. Сацсетку неабходна заблакаваць да паўночы 7 лютага, паведамляе 42.tut.by


Фота: Tim Bennett / Unsplash

Фота: Tim Bennett / Unsplash

Міністэрства транспарту і камунікацый М'янмы накіравала ўсім тэлекамунікацыйным кампаніям апавяшчэнне аб тым, што Facebook і яго паслугі павінны быць недаступныя да 7 лютага, каб «захаваць стабільнасць у краіне».

Netblocks, які адсочвае збоі і адключэнні ў сеціве, паведаміў, што дзяржаўны аператар сувязі MPT ужо заблакаваў Facebook, WhatsApp і Instagram. Telenor, адзін з двух замежных аператараў сувязі ў краіне, пагадзіўся выканаць патрабаванне, але выказаў «сур'ёзную заклапочанасць» з-за яе ўплыву на правы чалавека.

Прадстаўнік Facebook у размове з Bloomberg пацвердзіў, што сацсетка недаступная для «некаторых карыстальнікаў», і заклікаў улады М'янмы аднавіць сувязь.

З-за блакавання Facebook жыхары М'янмы страцяць доступ да дэмакратычнай групе «Рух грамадзянскага непадпарадкавання», на якую падпісана больш за 200 тысяч карыстальнікаў. Яе падпісчыкі заклікалі байкатаваць новую ўладу і не падпарадкоўвацца ёй.

1 лютага вайскоўцы захапілі ўладу ў М'янме і затрымалі кіраўніцтва краіны. Яны ўвялі рэжым надзвычайнага становішча год і заявілі, што бяруць кіраванне краінай на сябе.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: