У Мінску прыбралі ўнікальную нацыянальную фотавыставу, якая існавала пяць гадоў

З дворыка Нацыянальнага гістарычнага музея ў Мінску прыбралі фотавыставу ўнікальнага беларускага абраду, які мае статус гісторыка-культурнай каштоўнасці, піша «Еўрарадыё».

Выстава Марыны Бацюковай «Сула. Непарушнае» існавала пяць гадоў. Здымкі, выстаўленыя на ёй, зробленыя падчас экспедыцыі на Веткаўшчыну, на ўнікальны абрад ваджэння і пахавання Стралы (ці Сулы). На здымках вялікага фармату былі жанчыны сталага веку і маладыя дзяўчаты ў народных строях. Фатаграфіі былі ўпісаныя ў архітэктуру дворыка і стваралі адмысловую атмасферу.

Дарэчы, тая экспедыцыя была арганізаваная кафедрай этналогіі і фальклору Беларускага дзяржаўнага ўніверсітэта культуры і мастацтваў. А героямі некаторых фота былі студэнты і выкладчыкі кафедры. Нядаўна гэтую кафедру скасавалі.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: