У Мінску вядомыя беларусы чыталі Алеся Адамовіча (фота, відэа)

У галерэі TUT.BY 6 верасня прайшлі публічныя чытанні твораў вядомага беларускага пісьменніка, сцэнарыста, грамадскага дзеяча Алеся Адамовіча. Важныя для сябе ўрыўкі прачыталі Зінаіда Бандарэнка, Зміцер Бартосік, Яўген Крыжаноўскі, Марыя Захарэвіч, Саша Раманава, Алесь Снег і Андрусь Архiпенка.
Андрусь Архіпенка — адзін з ініцыятараў падзеі

Андрусь Архіпенка — адзін з ініцыятараў падзеі


Мэта падзеі — прыцягнуць увагу да стварэння музея імя літаратара ў пасёлку Глуша, што на Бабруйшчыне. Яго плануецца размясціць у доме, дзе да вайны была аптэка, у якой працавала маці пісьменніка.

Дачка пісьменніка Наталля

Дачка пісьменніка Наталля



У гады вайны драўляная хата была явачнай кватэрай партызан. Будынак пабудаваны ў 1935 годзе і мае патрэбу ў грунтоўнай рэканструкцыі.

Журналістка Саша Раманава прачытала ўрывак з аповесці «Карнікі»

Журналістка Саша Раманава прачытала ўрывак з аповесці «Карнікі»



Ініцыятыва існуе ўжо 4 гады. На сёння сабрана амаль 12 тысяч рублёў, але гэтага нават не хапае на праектную дакументацыю. Аднак бліжэйшым часам там жа ўсталююць бюст Адамовічу, які зробяць скульптары Гэнік Лойка і Яўген Білей.




Хочаце ведаць больш? Сачыце за нашымі публікацыямі ў Telegram і Facebook!