У Віцебску спевамі і танцамі адсвяткавалі дзень народзінаў Рыгора Барадуліна (фота, відэа)

У дзень народзінаў народнага паэта Рыгора Барадуліна 24 лютага ў Віцебску адбыўся «Барадулінскі Спеўны сход».

У залі тэатра «Лялька» было сапраўды горача ад колькасці наведвальнікаў. Можна сказаць, што гэта быў адзін з самых яскравых Спеўных Сходаў.

Разам з вядоўцай Марынай Булатоўскай аматары спеваў развучвалі і спявалі ўлюбёныя народныя песні з малой радзімы паэта, якія ўвайшлі ў зборнік «Песні матчыны з Вушаччыны». Іх спявала Рыгору Барадуліну маці, і менавіта яны натхнялі і суправаджалі яго ўсё жыццё.



Сапраўднымі зоркамі вечарыны сталі запрошаныя госці з Мінску фольк гурт «Harmonic Style Project». Сваім драйвовым выкананнем народных «барадулінскіх песень» музыкі акунулі ўсіх у непаўторную атмасферу спеваў.


У фінале людзей ужо было не стрымаць: пачаліся імправізаваныя танцы і карагоды.


Гэта ўжо чацвёрты Спеўны сход у Віцебску. Кожны месяц імпрэзы праходзяць на розную тэматыку.


Далучайцеся да старонак у сацыяльных сетках: facebook.comvk.com. Больш інфармацыі пра Спеўны сход: spevy.by

Фота і відэа: Вячаслаў Шайнураў

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!