У ЗША выпусцілі напой у гонар гурта «Стары Ольса»

Медаварня «Groennfell Meadery» з амерыканскага штата Вермонт выпусціла мід «Stary Olsa», прысвечаны беларускаму фолк-гурту.


Медаварня спецыялізуецца на напоях з поліфлорнага мёду. Таму і гэты напой зрабілі з мёду з палявых кветак з дадаткам маладога падросту верасу і вытрымалі на бярозавай кары. У ім 13,9% алкаголю. На сайце медаварні ўжо прымаюцца замовы на «Stary Olsa»: адна бутэлька аб’ёмам 0,75 л каштуе 31,99 долара, піша «Еўрарадыё» са спасылкай на pivo.by.

Вытворцы абяцаюць 5 долараў з кожнай бутэлькі перадаваць музыкам.

У Штатах беларускі гурт «Стары Ольса» ведаюць няблага. З 2016 года музыкі зладзілі пяць тураў па ЗША, даўшы агулам больш за паўтысячы канцэртаў. У 2017 годзе «Стары Ольса» выпусціў альбом «Вада, хмель і солад», прысвечаны застольным песням.



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: