У зборнай Беларусі першыя тры ачкі

Пасля паразы ад зборнай ЗША зборная Беларусі нарэшце заваявала першыя тры ачкі. Беларускія хакеісты перамаглі хакеістаў зборнай Казахстана з лікам 4:1. На апошняй секундзе Аляксей Калюжны забіў чацвёрты гол у вароты Казахстана.



Першы гол у матчы, забіты ў вароты зборнай Беларусі.Фота тут. бай


Пачатак першага перыяда прынёс зборнай Беларусі шайбу ў вароты, якую забіў казахстанскі нападаючы Андрэй Гаўрылін. Было яшчэ некалькі небяспечных момантаў каля варот зборнай Беларусі. але наш галкіпер Віталь Коваль выратоўваў сітуацыю. У выніку на перапынак каманды пайшлі з лікам 0:1.

На 2-й хвіліне другога перыяда беларуская зборная рэалізавала колькасную перавагу і зраўняла лік голам Сцяпанава ў вароты казахстанскай каманды. На 16-й хвіліне Стасенка пасля паса Сцяпанава забіў яшчэ адну шайбу ў вароты зборнай Казахстана. З лікам 2:1 каманды пайшлі на другі перапынак.

3-й перыяд зноў парадаваў беларускіх заўзятараў. Праз хвіліну 25 секунд Сяргей Касціцын пасля перадачы Крывенкі забіў трэці гол у вароты зборнай Казахстана. І гэта не гледзячы на тое, што беларусы гулялі ў меншасці. І нарэшце Аляксей Калюжны за некалькі секунд да заканчэння матча забіў чацвёртую шайбу.

Наогул сёняшняя гульня беларускіх хакеістаў не магла не радаваць заўзятараў. Асабліва з улікам таго. што зборная Казахстана — даволі моцны супернік. Даволі ўпэўнена глядзеўся галкіпер Віталь Коваль, гэта яго майстэртсва выратавала каманду, як мінімум, ад двух галоў.

Што ж, тры ачкі ўжо ёсць. Чакаем працягу.

Хочаце ведаць больш? Сачыце за нашымі публікацыямі ў Telegram і Facebook!

Каментаваць