Вечар вечных вершаў у кавярні «Грай»

27 кастрычніка "Арт Сядзіба" запрашае на імпрэзу "Вечар вечных вершаў", прысвечаную рэпрэсаваным у 1930-я гады літаратарам.


Творы рэпрэсаваных дзеячаў беларускай культуры прачытаюць Вікторыя Трэнас, Ганна Севярынец і маладыя паэты: Яўген Кунцэвіч, Анастасія Даніленка, Альгерд Касцян і Яўгенія Мароз. Музыку на вершы рэпрэсаваных літаратараў зайграюць Кацярына Ваданосава & Fantasy Orchestra, Павал Аракелян і Hvedar Groovich.

82 гады таму, у ноч з 29 на 30 кастрычніка 1937 году, у сутарэннях мінскай унутранай турмы НКВД “амерыканкі” былі расстраляныя больш за 100 прадстаўнікоў інтэлектуальнай эліты БССР: літаратары, дзяржаўныя дзеячы і навукоўцы.

Імпрэза пройдзе ў кавярні “Грай”. Вул. Інтэрнацыянальная, 33
Пачатак а 19.00.

Уваход вольны!


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!